Tailand 2026 yilgi o'smirlar Olimpiadasiga mezbonlik qilmoqchi

Tailand 2026 yili bo'lib o'tadigan beshinchi o'smirlar yozgi Olimpiadasiga mezbonlik qilish niyatida. Mahalliy nashrlarning xabar berishicha, hukumat ushbu tashabbus haqida kelasi hafta Xalqaro Olimpiya qo'mitasiga rasmiy maktub yo'llaydi.

Tashkilotchilar allaqachon musobaqa shiorini ham o'ylab qo'yishgan. Unga ko'ra, «Youth Olympic Games by Youth with Youth for Youth», yani yoshlar uchun yoshlar bilan o'tadigan yoshlar Olimpiya o'yinlari” iborasi ularning bosh shioriga aylanadi. Musobaqa Tailandning Bangkok va CHonburi shaharlarida bo'lib o'tishi rejalashtirilgan.

Tailand beshinchi o'smirlar yozgi Olimpiadasini qabul qilish niyatida bo'lgan yagona nomzod emas. Bungacha Kolumbiyaning Medelin va Rossiyaning Qozon shaharlari ham mazkur kompleks musobaqani qabul qilish istagi bilan chiqqan.