Tarixda birinchi bor XOQ sessiyasi onlayn o'tkaziladi

Mazkur qaror XOQ Ijroiya qo'mitasi tomonidan qabul qilingan. Rejaga muvofiq, 136-Sessiya 17 iyul kuni o'tkazilishi kelishib olindi. Konferenciya xavfsiz elektron tizim orqali olib boriladi va uning faoliyati jonli efirda namoyish qilinadi.

XOQ Ijroiya qo'mitasi, shuningdek, tashkilotning atletlar komissiyasiga bo'lib o'tadigan saylovni kelgusi yil iyul oyiga qoldirdi. Biroq komissiya azolarining faoliyati belgilanganidek joriy yil yakuniga etadi. Umumiy hisobda komissiyaning yangi azoligiga 30 nomzod 4 ta bo'sh joy uchun kurash olib boradilar. Avvalroq, XOQ atletlar komissiya azoligiga saylov joriy yilning avgust oyida o'tishi belgilangan edi. 

Eslatib o'tamiz, mazkur komissiya azolari bir vaqtning o'zida XOQ Ijroiya qo'mitasi tarkibiga ham kiradi.