Tarixiy natija: zamonaviy beshkurashchilarimiz Olimpiya o'yinlariga yana bir licenziya qo'lga kiritishdi

Ayollar o'rtasida kechgan bellashuvlardan so'ng endi erkaklar terma jamoasida ham hamyurtimiz Aleksandr Savkin kelasi yil Tokioda bo'lib o'tadigan Olimpiya o'yinlariga yo'llanma qo'lga kiritdi. Qayd etish joiz, terma jamoamiz ushbu sport turida o'zbek sporti tarixida ilk bor Olimpiya o'yinlariga yo'llanma oldi.

Mazkur musobaqada Osiyo va Okeaniya mintaqasining eng kuchli 12 terma jamoasidan ayollar o'rtasida 26, erkaklar o'rtasida esa 32 nafar sara beshkurashchilar bahs olib bordi.

Takidlab o'tish kerakki, o'zbek sporti tarixida bunday ko'rsatgich birinchi bor qayd etilmoqda. Kuni kecha esa Alise Faxrutdinova ayollar o'rtasida o'tkazilgan saralash bosqichida uchinchi o'rinni egallab, Olimpiya o'yinlariga yo'llanma ko'lga kiritgan edi. Musobaqa yakuniga ko'ra, sportchilarimiz jamoaviy reytingda beshinchi pog'onani egallab, Olimpiya o'yinlarining 2 ta licenziyasiga sazovor bo'lishdi. Zamonaviy beshkurash mamlakatimizda endi rivoj topib borayotgan sport turlaridan biri. Boisi ushbu yo'nalishga avvallari deyarli etibor qaratilmas edi, ammo 2018 yil oxirida federaciya boshqaruvida bo'lgan o'zgarishlar bugun o'z mevasini bermoqda.

Musobaqa yakunida terma jamoalarning kuchli beshligi quyidagi ko'rinishga keldi:

1. Janubiy Koreya
2. Xitoy
3. Qozog'iston
4. Yaponiya
5. O'zbekiston

Yana bir ahamiyatli tomoni shundaki, Tokio Olimpiadasiga qo'lga kiritilayotgan licenziyalar geografiyasi tobora kengayib bormoqda. Bu esa muhtaram Prezidentimizning sport sohasiga qaratayotgan yuksak etibori samarasi o'laroqdir. SHu tariqa, O'zbekiston terma jamoasining Tokio-2020 Olimpiya o'yinlariga qo'lga kiritgan licenziyalari soni o'n uchtaga (ettita sport turi) etdi.