Terens Krouford uchinchi raundda Indongoni nokautga uchratdi

Oqshomning markaziy jangi mutloq jahon chempionligi uchun kechdi. Unda birinchi yarim o'rta vazn toifasi WBC va WBO yo'nalishlari chempioni Terens Krouford ushbu vaznning IBF hamda WBA Super chempionlik kamarlari sohibi Julius Indongoga qarshi ringga ko'tarildi.

Jangning ikkinchi raundidayoq Krouford raqibini nokdaun holatiga tushirib qo'ydi. Uchinchi raundda Terens Indongoning tana qismiga kuchli zarba berdi. Julius esa o'rnidan turishga o'zida kuch topa olmadi.