Timur Kapadze: "Penaltilar seriyasiga tayyormiz"

Bugun mazkur uchrashuv oldidan matbuot anjumani tashkil qilindi. Unda terma jamoamiz ustozi Timur Kapadze fikrlarini bildirdi. Unga Jamshid Iskanderov hamrohlik qildi. 

"Ertaga final. Yaxshi tayyorgarlik ko'ryapmiz. Guruh bosqichi qiziqarli o'yinlarga boy bo'ldi. Xudoga shukur finaldamiz. Finalda ham yaxshi o'yin ko'rsatishga harakat qilamiz", - dedi Kapadze. 

"Kayfiyat yaxshi. Ertaga g'alaba qozonishga harakat qilamiz", - dedi Jamshid Iskanderov. 

- Eronni qanchalik o'rganib chiqdinglar? Ularda ham jarohat olganlar futbolchilar bor. Bu ertaga qanchalik tasir qiladi deb o'ylaysiz? 

- Eronni yaxshi bilamiz, yaxshi jamoa. Ularda ham kamchiliklar bor. Nasib bo'lsa o'z o'yinimizni ko'rsatishga harakat qilamiz. Nafaqat Eron balki barcha jamoalarda jarohatlar bo'ldi. 

- Ertaga penaltilar seriyasi bo'lsa jamoa bunga tayyor bo'ladimi? 

- Penaltilar seriyasiga har taraflama tayyorgarlik ko'rish kerak. Agar vaziyat shunday bo'lsa unga tayyor bo'lamiz. 

- SHomurodov oxirgi o'yinlarda gol ura olmayapti. Sergeev esa ikkita o'yinda zaxiradan tushib ikkita gol urdi. Balki ertaga Sergeev asosiy tarkib tushar? 

- Eldor tarkibimizga kechroq keldi. Albatta Sergeevdek hujumchimiz borligidan xursandman. Futbol 90 daqiqa davom etadi. SHunday ekan ikkala taymda ham yaxshi hujumchi o'ynashi kerak. 

- O'zbekistonning o'yinlariga kutilganidan kam muxlis kelmoqda. Ertaga stadionga ko'proq muxlis kelishiga ishonasizmi? 

- Menimcha, stadion shahardan uzoq bo'lgani uchun kamroq muxlis keldi. Eron bilan o'yinda stadion to'la bo'lsa kerak. Futbolchilar shuni kutmoqda va bizga muxlislar daldasi kerak. Har holda ertaga final.