Tokio-2020 tashkiliy qo'mitasi kuzdan koronavirusga qarshi kurash muhokamasini boshlaydi

Uning davomida shu paytgacha tanlangan Olimpiya o'yinlarining poytaxt shaharlari (ham qishki, ham yozgi), tashkiliy qo'mitalari musobaqaga olib borilayotgan tayyorgarlik bo'yicha o'z hisobotlarini ham topshirdilar. Ular orasida ko'pchilikning diqqat-etibori Tokio-2020 tashkiliy qo'mitasining chiqishi bo'lgani shubhasiz. Tadbirda tashkiliy qo'mita Bosh kotibi Tosiro Muto bu haqida quyidagicha nutq qildi:

“Biz uchun eng asosiy masala koronavirusga qarshi kurashga chaqiruv chora-tadbirlari bo'lib turibdi. Biz bu borada hukumat va Tokio shahri rasmiylari, tashkiliy qo'mita rahbariyati ishtirokida muhokama formatini ishlab chiqamiz. Uning doirasida migracion nazorat, transportlarda infekciya tarqalishining oldini olish chora-tadbirlari, sportchi va muxlislar yashash joylari, shuningdek, tibbiy tizimni tashkil qilish masalalari bosh yo'nalishlar bo'ladi”.

Tosiro Mutoning so'zlariga ko'ra, ushbu guruh faoliyati kuz faslidan boshlanadi. Eslatib o'tamiz, joriy yilning 24 iyul – 9 avgust kunlari bo'lib o'tishi kerak bo'lgan Tokio Olimpiya o'yinlari koronavirus pandemiyasi sabab kelasi yilning 23 iyul – 8 avgust sanalariga qoldirilgan.

Hozirda butun dunyo bo'ylab 14 millionga yaqin insonda koronavirus infekciyasi aniqlangan bo'lib, ulardan 590 ming nafari hayotdan ko'z yumdi.