Tokio olimpiadasi uchun o'n beshinchi licenziya

Butunjahon taekvondo federaciyasi (WT) Tokio Olimpiadasiga yo'llanma beruvchi yakuniy reyting jadvalini elon qildi. Quvonarlisi, terma jamoamiz vakili Nikita Rafalovichning nomi -80 kilogramm vazn toifasida reyting orqali Tokio Olimpiadasiga yo'llanma olgan taekvondochilar qatorida keltirib o'tildi.

Hamyurtimiz -80 kilogramm vazn toifasida yakuniy jadvalning to'rtinchi pog'onasida keltirib o'tilgan. Rafalovich 2 yil davomida o'tgan bahslar mobaynida 306.89 ball to'plashga muvaffaq bo'ldi. Taekvondo bo'yicha Tokio Olimpiadasiga yo'llanma olgan sportchilarning reyting jadvali:

-80 kg. vazn toifasi:

1. Maksim Xramcov (Rossiya) – 558.95
2. Milad Beigi (Ozarbayjon) – 445.22
3. CHek Sisse (Kot d`Ivuar) – 355.57
4. Nikita Rafalovich (O'zbekiston) – 306.89
5. Raul Garsiya (Ispaniya) – 286.06
6. Toni Kanaet (Xorvatiya) – 283.69