Tomas Bax: “Sport hayotni qutqarishi mumkin”

Har 3 tashkilot rahbari o'rtasida o'tgan onlayn uchrashuvda XOQ prezidenti Tomas Bax shunday dedi:

“Sport hayotni qutqarishi mumkin. Keyingi bir necha oy ichida biz salomatlik va farovonlik uchun sport va jismoniy faollik naqadar muhimligini kuzatdik. Biz Birlashgan Millatlar Tashkiloti va Jahon sog'liqni saqlash tashkiloti bilan birgalikda ish olib borib, oldinga yana bir qadam qo'yamiz. Olimpiyachi sportchilar hozir jahonga juda asqotadigan malumotlari va eng yaxshi amaliyotlari bilan baham ko'rishadi”.

Birlashgan Millatlar Tashkilotining Bosh kotibi Antoniu Guterrish quyidagilarni qo'shimcha qildi: “COVID-19 pandemiyasidan tortib irqiy va ijtimoiy adolat uchun davom etayotgan kurash hamda iqlim inqirozigacha bo'lgan misli ko'rilmagan muammolar va o'zgarishlar ro'y berayotgan hozirgi sharoitda har qachongidan ham global birdamlik va umidga cheksiz ehtiyoj his etilmoqda. Olimpiya harakati va uning sportchilari insoniyat uchun qo'lidan kelgan hamma narsalarni qilib kelgan va Birlashgan Millatlar Tashkiloti Xalqaro Olimpiya qo'mitasi hamda Jahon sog'liqni saqlash tashkiloti bilan mamnuniyat ila hamkorlik qiladi hamda jahondagi barcha odamlarni birlashishga, salomat bo'lishga davat qiladi”.

Jahon sog'liqni saqlash tashkilotining Bosh direktori Tedros Adxanom Gebreisus quyidagilarni qayd qildi: “Biz Xalqaro Olimpiya qo'mitasi bilan hamkorlik qilishdan mamnunmiz. Olimpiyachilar COVID-19 bilan kurashishga qodir bo'lishi talab etilganidek, odamlar ham shunday matonatli bo'lishlarida sog'lom aholi manfaatlarini himoya qilish uchun bizga yordam beradilar”.