Toshkent viloyati sport boshqarmasi tadbirkorlarga davlat-xususiy sheriklik asosida bo'sh er maydonlarini taklif qildi

Unda boshqarma tasarrufidagi barcha tuman(shahar) jismoniy tarbiya va sport bo'limlari, bolalar-o'smirlar sport maktablari rahbarlari hamda tadbirkorlar ishtirok etdi.

Yig'ilishda so'zga chiqqan Toshkent viloyati hokimining turizm va sport masalalari bo'yicha o'rinbosari Sayfiddin Nizamov O'zbekiston Respublikasi Prezidentining «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Farmonda belgilangan topshiriqlar ijrosi doirasida har bir tuman(shahar)da tashkil etilgan Streetball, Workout maydonchalari hamda «Salomatlik yo'lakchalari» bo'yicha amalga oshirilgan ishlar to'g'risida to'xtalib o'tdi. Sport maydonchalarini qurish borasida sustkashlikka yo'l qo'yayotgan tuman(shahar)lar jismoniy tarbiya va sport bo'limlariga tegishli tavsiyalar berildi.

So'ngra Toshkent viloyati Jismoniy tarbiya va sport boshqarmasi boshlig'i K.Adilov ham so'zga chiqib, O'zbekiston Respublikasi Vazirlar Mahkamasining 2020 yil 26 apreldagi «Davlat-xususiy sheriklik loyihalarini amalga oshirish tartibini takomillashtirish to'g'risida»gi Qarorida belgilab berilgan topshiriqlar ijrosiga alohida to'xtalib, bolalar-o'smirlar sport maktablari hududidagi bo'sh yotgan er maydonlari tadbirkorlarga belgilangan tartibda davlat-xususiy sheriklik asosida berilishini malum qildi. Ushbu o'zaro manfaatli bitim avvalo sportni rivojlantirishga hissa qo'shishi lozimligi takidlandi.

SHu erning o'zida K.Adilov Toshkent viloyatida davlat-xususiy sheriklikni rivojlantirish maqsadida barcha tadbirkorlarga Murojaatnoma yo'lladi. Etiborlisi, yig'ilish yakunida 7 nafar tadbirkor Toshkent viloyati Jismoniy tarbiya va sport boshqarmasiga qarashli bo'sh er maydonlaridan davlat-xususiy sheriklik asosida foydalanish taklif bilan chiqishdi.