Toshkent viloyatida Vatanparvarlik oyligi yakunlandi

Vatanparvarlik oyligi akciyasida Toshkent viloyati hududida joylashgan barcha Qurolli kuchlar tizimi bo'linmalari faol ishtirok etdi. CHirchiq oliy harbiy tank qo'mondonlik, muhandislik bilim yurti kursantlari, Mudofaa vazirligi Maxsus bo'linmasi texnik namoyishi, Mudofaa vazirligining Markaziy harbiy orkestri, Milliy Gvardiya harbiy xizmatchilarining ko'rgazmali chiqishlari shular jumlasidan.

Yoshlarni Vatanparvarlik ruhida tarbiyalash, ularda harbiy xizmatga bo'lgan ishtiyoqni oshirish maqsadida tashkil etilgan ko'rgazmada yoshlar jangovar texnika va qurollar bilan yaqindan tanishib, harbiylarning sharafli vazifalariga oid qiziqarli malumotlarga ega bo'ldilar.

SHuningdek, tadbir doirasida tashkil etilgan harbiylar hamda yoshlar orasida o'tkazilgan shaxmat-shashka va stol tennisi musobaqalari hamda sanatkorlarning kuy-qo'shiqlari yig'ilganlarga o'zgacha ruh bag'ishladi.