Toshkentda qilichbozlik bo'yicha O'zbekiston kubogi o'tkazildi

Unda Respublikamizning barcha hududlaridan kelgan atletlar g'oliblik uchun kurash olib borishdi.

Musobaqaning yakuniy kunida sablya bo'yicha jamoaviy dasturda g'olib va sovrindorlar aniqlab olindi. Kutilganidek, ushbu yo'nalishdagi bellashuvlarda Qoraqalpog'iston jamoasi birinchi o'rinni egalladi.

Turnir yakunida shohsupadan o'rin olgan ishtirokchilar terma jamoa tarkibida yangi mavsumga tayyorgarlik ko'rish uchun o'quv-mashg'ulot yig'inlariga jalb etildi. Saralab olingan sportchilar bugunning o'zida yig'inga jo'nab ketishdi.