07 iyu 17:45
Yangiliklar

Tennis

Uimbldon. Elena Ribakina Voznyackini "sochib" tashladi

Dunyoning to'rtinchi raketkasi Elena Ribakina Uimbldon turnirining 1/8 final ishtirokchisiga aylandi.

Qozog'istonlik tennis malikasi uchinchi davrada WTA reytingida 91-pog'onada borayotgan daniyalik Karolin Voznyackiga hech qanday imkoniyat qoldirmadi - 6/0, 6/1. Bu tennischilarning o'zaro o'tkazgan ilk uchrashuvi edi.

Ikki daqiqasi kam bir soat davom etgan bahsda Ribakina 9 ta eys, 5 ta breyk qayd etib, 4 ta qo'shxatoga yo'l qo'ydi. Endi Elena 1/8 finalda rossiyalik Anna Kalinskayaga qarshi kortga chiqadi.