Ular Tokioga borishadi: Nukusning shijoatli o'g'loni SHerzod Mamutov

SHerzod Azamatovich Mamutov 2002 yil 5 iyun kuni Qoraqalpog'iston Respublikasida tug'ilgan. Dastlab Nukus shahrida Daurbek Jiemuratov qo'l ostida qilichbozlik sir-asrorlarini o'rgana boshladi. Hozirda uch karra Olimpiya o'yinlari chempioni Vladimir Nazlimov qo'l ostida shug'ullanmoqda.

Sportchimiz 2018 yil terma jamoa tarkibiga jalb qilingan. Yuqori istedod egasi qisqa vaqt ichida katta natijalar ko'rsata boshladi. SHu yilning o'zida sablya bo'yicha yoshlar o'rtasidagi Osiyo chempionatining jamoaviy yo'nalishida kumush, bir yil o'tgach Iordaniyadagi qita birinchiligida esa bronza medalini qo'lga kiritdi.

Hozircha yosh sportchimizning qo'lga kiritgan asosiy yutuqlari shulardan iborat. Ishonamizki, uning kelajakdagi g'alabalari oldinda va Yangi O'zbekiston uchun ulkan g'alabalar taqdim qiladi.

Mamutov joriy yilning aprel oyida Toshkentda o'tgan Osiyo-Okeaniya licenzion turnirida g'alaba qozonib, Tokio-2020 Olimpiya o'yinlariga yo'llanmani qo'lga kiritdi.