06 sen 15:17
Yangiliklar
Tennis
US Open. Karlos Alkaraz besh setda Marin CHilichni mag'lub etdi
US Open turnirining erkaklar o'rtasidagi bahslarida 1/8 final uchrashuvlari davom etmoqda.
Jahonning to'rtinchi raketkasi, 19 yoshli ispaniyalik tennischi Karlos Alkaraz AQSH Ochiq chempionatining to'rtinchi davra uchrashuvida g'alaba qozondi. Uning raqibi ATR reytingida 17-o'rinni egallab turgan xorvatiyalik Marin CHilich bo'ldi. Uchrashuvda 6/4, 3/6, 6/4, 4/6, 6/3 hisobida zafar quchgan Alkaraz turnirning chorak finaliga yo'l oldi. O'yin 3 soatu 56 daqiqa davom etdi.
Uchrashuv davomida Alkaraz uchta eys zarbasini amalga oshirib, to'rt bor qo'sh xatoga yo'l qo'ydi va 6 ta breyk qayd etdi. CHilich esa 14 ta eys, 13 ta qo'sh xato va 5 ta breyk qayd etdi.
Endi turnirning chorak finalida Alkaraz italiyalik Yannik Sinnerga qarshi bahs olib boradi. Uchrashuv ertaga, 7 sentyabr kuni bo'lib o'tadi.
Havola :
Manba : championat.com
Fikrlar