28 avg 13:24
Yangiliklar

Tennis

US Open. Karlos Alkaraz muvaffaqiyali start oldi

AQSHning Nyu-York shahrida tennis bo'yicha "Katta Dubulg'a" turkumiga kiruvchi yilning so'nggi musobaqasi - US Open turnirining asosiy to'r bahslari boshlandi.

Erkaklar o'rtasidagi bahslarda dunyoning uchinchi raketkasi Karlos Alkaraz ilk davrada ATP reytingining 186-pog'onasida borayotgan avstraliyalik Li Tuga qarshi kortga chiqdi. Ispaniyalik tennis yulduzi 2 soatu 44 daqiqa davom etgan bahsda to'rt set natijasiga ko'ra g'alaba qozondi - 6/2, 4/6, 6/3, 6/1.

Bu tennischilarning o'zaro o'tkazgan ilk uchrashuvi edi. Alkaraz 7, Tu 2 ta eys zarbani amalga oshirdi. Qo'shxatolar Yashil qita vakilida ko'proq bo'ldi - 6 ga 4. Breyklar bo'yicha usutunlik tabiiyki, g'olib tennischi tomonida - 7 ga 2! Endi Alkaraz US Open ikkinchi bosqichida niderlandiyalik Botik van de Zandshulpga qarshi kortga chiqadi.