US Open. Karlos Alkarazda kutilmagan mag'lubiyat

Kutilmaganda dunyoning uchinchi raketkasi Karlos Alkaraz ikkinchi davra uchrashuvida ATP reytingida 74-o'rinni egallab turgan niderlandiyalik Botika van de Zandshulpga imkoniyatni boy berib qo'ydi - 1/6, 5/7, 4/6. Tennischilarning o'zaro uchinchi uchrashuvida Botika ilk g'alabasini qo'lga kiritdi - 1:3. 

Ikki soatu 21 daqiqa davom etgan bahsda har ikkala tennischi ham 2 tadan eys zarbasini amalga oshirgan. Qo'shxatolar Van de Zandshulpda ko'p bo'ldi - 7 ga 1. Alkaraz 2, Botika 6 ta breykka erishgan. Endi 28 yoshli niderlandiyalik tennischi US Open turnirining uchinchi bosqichida Jek Dreyperga qarshi kortga chiqadi. Britaniyalik tennischi ikkinchi davrada argentinalik Fakundo Diasdan ustun keldi - 6/4, 6/2, 6/2.