"Uzbek Tigers" - "Cuba Domadores". Barcha janglar yakunlandi

22:16. Endi javob bahslari 19 aprel kuni Kubada bo'lib o'tadi.

22:15. SHu tariqa, bugungi janglardan olib borilgan matnli translyaciyamizni yakunlaymiz. To'qnashuvda bokschilarimiz 3:2 hisobida g'alaba qozondilar.

22:13. Hakamlarning qarori elon qilindi: Savon 3:0 hisobida Sanjar Tursunovni mag'lubiyatga uchratdi.

22:10. Vakilimiz jangni yutqazmoqda...

22:01. Tashabbus Savon tomonda. 

21:56. Afsuski, bokschimiz birinchi raundda 9:10 hisobida yutqazdi...

21:51. Sanjar Tursunovning jangini kuzatamiz. Uning raqibi Rio Olimpiadasi bronza medali sohibi Erislandi Savon bo'ladi.

21:49. Va albatta Isroildan kutilgan salto!

21:48. G'ALABA!!! Isroil Madrimov Olimpiada chempionini mag'lubiyatga uchratdi!

21:43. Kubalik bokschi juda charchadi va klinch orqali vaqtni o'ldirishga urinmoqda. G'alaba naqd Isroilda!

21:38. Bokschimiz jangda yaxshigina ustunlikka erishmoqda. SHu tempni ushlab qolish kerak.

21:34. Ikkinchi raundda ham Madrimov g'olib! 

21:29. Birinchi raund yakunlariga ko'ra hakamlar bir ovozdan 10:9 hisobida Isroilning g'alabasini qayd etdilar. Yaxshi!

21:25. Isroil Madrimovning jangi boshlandi!

21:19. To'qnashuvdagi ilk mag'lubiyatni qabul qilib oldik - 2:1. Madrimov istasa ham, istamasa ham Olimpiada chempioni bo'lgan raqibini mag'lub etishi kerak!

21:15. Bokschimiz sezilarli farq bilan mag'lub bo'lmoqda. Unga ushbu jangda faqat va faqat nokaut yordam bera oladi!

21:11. Uchinchi raund tugadi. Tashabbus kubalik bokschi tomonda...

21:05. Afsuski, Xoldorov birinchi raundni boy berib qo'ydi. Harakatni kuchaytirish kerak...

21:01. Bokschimiz jangni faol o'tkazmoqda.

21:00. Endi Iqboljon Xoldorov ringga chiqdi.

20:57. Vakillarimiz 2:0 hisobida oldinga chiqib oldilar.

20:55. G'ALABA! Murodjon 2:1 hisobida g'alaba qozondi!

20:45. Uchinchi raund yakunlandi. Hozircha Ahmadaliev g'alaba qozonmoqda. U ketma-ket zarbalar seriyasi bilan raqibini muvozanatdan chiqarishga harakat qilmoqda.

20:38. Birinchi raund vakilimiz foydasiga hal bo'ldi!

20:34. Jang boshlandi!

20:33. Murodjonga bugun 20 yoshli Xaver Ibanes raqiblik qiladi.

20:31. Endi ringga Murodjon Ahmadaliev chiqib kelmoqda.

20:29. Do'smatov g'alaba qozondi! To'qnashuvda jamoamiz oldinga chiqib oldilar 1:0!

20:22. Hasanboy uch raund yakunlariga ko'ra oldinda bormoqda.

20:12. Do'smatov jangni yaxshi o'tkazmoqda.

20:04. Ringga Hasanboy Do'smatov chiqib kelmoqda.

20:00. Bugun quyidagi to'qnashuvlar guvohiga aylanamiz:

49 kg: Hasanboy Do'smatov - Joxanus Argilagos

56 kg: Murodjon Ahmadaliev - Xaver Ibanes

64 kg: Iqboljon Xoldorov - Endi Kruz

75 kg: Isroil Madrimov - Arlen Lopes

91 kg: Sanjar Tursunov - Erislandi Savon

19:55. Assalomu alaykum hurmatli boks ishqibozlari. "O'zbek yo'lbarslari"ning navbatdagi jangidan matnli translyaciyani boshlaymiz.