Vazir ROZKda olib borilayotgan ishlar bilan tanishdi

Vazir ushbu talim maskanida amalga oshirilayotgan qurilish-bunyodkorlik ishlari bilan yaqindan tanishib chiqdi. Jumladan, gandbol sport turiga ixtisoslashgan sendvich panelli, energiya tejamkor sport majmuasining qurilish jarayonlarini ko'zdan kechirdi. Ushbu majmua kelgusida yurtimizda yirik xalqaro turnirlarni bekamu-ko'st qabul qilishi uchun nimalarga ahamiyat qaratish kerakligi borasida tegishli tavsiyalarni berdi.

SHuningdek, Dilmurod Nabiev Respublika Olimpiya zaxiralari kolleji o'quvchilari uchun qurilishi rejalashtirilayotgan 300 o'ringa mo'ljallangan yotoqxona qurilishiga qoziq qoqish marosimida ham ishtirok etdi.

Tashrif yakunida vazir ushbu sport talimi maskanida o'zbek sportining ertangi kunini belgilab beradigan yoshlarga barcha sharoitlarni yaratib berish kerakligi, shunda ular o'z ustilarida yanada ko'p ishlab, Vatanimiz dovrug'ini ko'klarga ko'tarishini takidladi.