18 dek 07:08
Yangiliklar
Vinisius The Best mukofoti sohibi, Anchelotti 2024 yilning eng yaxshi murabbiyi!
"Real"ning 24 yoshli braziliyalik vingeri Xalqaro futbol federaciyasi (FIFA) talqiniga ko'ra yilning eng yaxshi futbolchisi deb topildi.
2024 yil eng yaxshi o'yinchi bo'lish uchun shuningdek, Jud Bellingem, Dani Karvaxal, Kilian Mbappe, Federiko Valverde (barchasi – "Real"), Erling Xoland, Rodri (ikkisi ham – "Manchester Siti"), Toni Kroos (faoliyatini yakunladi), Lionel Messi ("Inter Mayami"), Florian Virc ("Bayer") va Lamin Yamal ("Barselona") davogarlik qilgandi.
Karlo Anchelotti 2024 yilning eng yaxshi murabbiyi deb topildi. U bu mukofot uchun kurashda Xabi Alonso ("Bayer"), Xosep Gvardiola ("Manchester Siti"), shuningdek Ispaniya termasidan Luis de la Fuente va Argentina termasidan Lionel Skalonini ortda qoldirdi.
Eslatib o'tamiz, Anchelotti 2024 yilda "Real" bilan to'rtta sovrin yutdi. "Qaymoqranglilar" Ispaniya chempioni bo'lishdi, Ispaniya va Evropa Superkubogida g'olib chiqishdi. SHuningdek, UEFA CHempionlar ligasini yutishdi.
Bugun "Real" Qatarda Qitalararo kubok finalida "Pachuka"ga qarshi o'ynaydi.
Fikrlar