Voleybol: Bugun O'zbekiston Superkubogi sohibi aniqlanishi mumkin

Unda joriy yilgi mamlakat chempionlari hamda kubogi sohiblari o'zaro kuch sinashmoqda.

Ayollar o'rtasida O'zbekiston chempioni bo'lmish Qoraqalpog'iston Respublikasi terma jamoasi dastlabki o'yinda mamlakat kubogi finalchisi Jizzax viloyati termasi ustidan ishonchli g'alabaga erishdi – 3:0.

Erkaklar o'rtasida chempionatning oltin medallarini qo'lga kiritgan OTMK jamoasi voleybolchilari esa mamlakat kubogi sohibi Samarqandning «O'ztelekom» jamoasiga hech qanday imkoniyat qoldirmadi – 3:1.

Bugun Superkubok bahslarining ikkinchi o'yinlari o'tkaziladi. Agar ayollar o'rtasida qoraqalpog'istonliklar g'alaba qozonishsa, erkaklar o'rtasida esa OTMK voleybolchilarining qo'li baland kelsa, u holda shanba kungi o'yinlarga ehtiyoj qolmaydi va musobaqaga yakun yasaladi.

SHuningdek, bugun voleybol ixlosmandlari uchun «Ochiq eshiklar kuni» ham o'tkaziladi.