Voleybol: ikki nafar yurtdoshimiz CAVA doimiy qo'mitalari azosiga aylandi

Ushbu yig'ilishda CAVA prezidenti janob Mohammad Latif, tashkilot vice-prezidenti eronlik doktor Muhammad Rizo Davarzani, qozog'istonlik Emek Sirlibaev, CAVA g'aznachisi janob Jitendra Bahadur CHand, CAVA Bosh kotibi Qilich Sarbagishevdan iborat Ijroiya qo'mitasi azolari hamda CAVAga azo davlatlar vakillari ishtirok etishdi.

Yig'ilishda janob Latif CAVA o'z tarixida yana bir muhim voqelik, yani tashkilot Nizomi ostidagi barcha qonuniy hujjatlarni shakllantirganligini etirof etdi.

SHuningdek, u Milliy federaciyalar va CAVAdan ko'rsatilgan barcha azolar yuqori malakali va o'z sohasida katta tajribaga ega ekanligini takidladi. Binobarin, janob Latif doimiy qo'mitalar faoliyati yuksak darajada bo'lishiga shubha qilmaydi.

CAVA prezidenti hamda Ijroiya qo'mita azolari barcha doimiy qo'mitalarni har tomonlama qo'llab-quvvatlash va amaliy yordam ko'rsatishini vada berdi.

“Keling, ularga CAVA Nizomlari va umumiy qoidalarga muvofiq o'z majburiyatlarini bajarishda to'liq mustaqillik va vakolat beraylik”, dedi janob Latif anjumanda.

Uchrashuv davomida doktor Davarzani CAVAni yanada kuchliroq qilish uchun barcha federaciyalar yanada ko'proq harakat qilishlari, bir kuchli jamoa sifatida Associaciyani yaxshilash uchun birgalikda harakat qilishi lozimligini takidladi.

Ijroiya qo'mita azolari CAVA prezidenti janob Latifga tashkilotni yaxshilashga qo'shgan hissasi va Milliy federaciyalar o'rtasida birdamlikni mustahkamlash yo'lidagi xizmatlari uchun minnatdorlik bildirdi. O'z navbatida janob Latif barcha azolarga birdamlik va qo'llab-quvvatlaganligi uchun tashakkur izhor qildi.

Yig'ilishda ikki nafar hamyurtimiz CAVAning doimiy qo'mitalari azoligiga saylandi. Jumladan, Marketing va moliya qo'mitasiga Ahrorjon Sobirov, Rivojlanish va murabbiylar qo'mitasiga Feruza Odilova nomzodi maqullandi.

Biz hamyurtlarimizga masuliyatli vazifada omad tilaymiz.