18 avg 16:01
Yangiliklar
Voleybol
Voleybol: Markaziy Osiyo chempionatining ilk turida qanday natijalar qayd etildi?
Xabar berganimizdek, kecha Farg'ona shahrida voleybol bo'yicha erkaklar va ayollar o'rtasida birinchi marta o'tkazilayotgan Markaziy Osiyo chempionatiga start berildi.
Musobaqaning 1-turida muxlislar Qozog'iston – Qirg'iziston hamda O'zbekiston – Tojikiston qarama-qarshiliklariga guvoh bo'lishdi.
Ayollar o'rtasida kechgan o'yinlarda bir xil – 3:0 hisoblari kuzatildi. Qozog'istonlik voleybolchi qizlar xuddi shu hisobda qirg'izlarni, yurtimiz voleybolchilari esa tojikistonlik dugonalarini mag'lub etishdi.
Erkaklar o'rtasidagi musobaqada esa Qozog'iston va Qirg'iziston terma jamoalari o'rtasidagi bahs murosasiz kechib, o'yin g'olibi tay-brek yordamida aniqlandi. Unda qozog'istonlik voleybolchilarning qo'li baland keldi.
Ikkinchi o'yinda esa terma jamoamiz tojikistonlik raqiblariga hech qanday imkoniyat qoldirmadi – 3:0, O'zbekiston foydasiga!
Musobaqa g'oliblari 22 avgust kuni aniqlanadi.
Havola :
Manba : minsport.uz
O’xshash yangiliklar
09:35
Voleybol bo'yicha O'zbekiston U18 qizlar terma jamoasi ilk bor Jahon chempionatida ishtirok etadi! 0
Fikrlar