Voleybol. Osiyo chempionatini ketma-ket qozonilgan ikki g'alaba bilan yakunladik

Uzoq yillik tanaffusdan so'ng qita chempionatida ishtirok etgan O'zbekiston erkaklar voleybol terma jamoasi bugun 13-16 o'rinlar uchun kurash doirasida so'nggi uchrashuvini o'tkazdi. Voleybolchilarimiz 13-o'rin uchun kechgan bahsda Gonkong terma jamoasini 3:0 (25:20, 25:23, 25:21) hisobida taslim etishdi. 

Kecha hamyurtlarimiz Tailand terma jamoasidan 3:2 hisobida ustun kelishgandi. Guruh bahslarida esa tajriba o'z so'zini aytgandi. Avstraliya, Xitoy va Quvayt terma jamoalariga imkoniyatni boy berib qo'ygan edik.