Voleybol: O'zbekiston kubogida g'olib va sovrindorlar malum + FOTOGALEREYA

Mazkur musobaqada o'g'il bolalar o'rtasidagi bahslarda 11 ta jamoa, qiz bolalar o'rtasidagi bahslarda esa 7 ta jamoa o'zaro kuch sinashdi.

Musobaqaning final bahslari bo'lib o'tdi. Dastlab qizlar o'rtasidagi bahsda Buxoro va Namangan viloyati sportchilari o'zaro bellashishdi. Yakunda namanganlik voleybolchilarning qo'llari baland keldi va Buxoro jamoasi 2-o'rinni, Andijon viloyati jamoasi esa 3-o'rinni egalladi.

O'g'il bolalar o'rtasidagi finalda Buxoro va Qoraqalpog'iston Respublikasi sportchilari o'zaro bellashishdi. Yakunda Buxoro viloyati voleybolchilari g'alaba qozonib musobaqa kubogini qo'lga kiritishgan bo'lsa, Qoraqalpog'iston Respublikasi jamoasi 2-o'rinni, Sirdaryo viloyati jamoasi esa 3-o'rinni egalladi.

G'olib va sovrindorlar qimmatbaho sovg'alar bilan taqdirlandi.