Voleybol: O'zbekiston superkubogida ayollar musobaqani yakunladi

Unda joriy yilgi mamlakat chempionlari hamda kubogi sohiblari o'zaro kuch sinashmoqda.

Ayollar o'rtasida O'zbekiston chempioni bo'lmish Qoraqalpog'iston Respublikasi terma jamoasi dastlabki o'yinda mamlakat kubogi finalchisi Jizzax viloyati termasi ustidan ishonchli g'alabaga erishgan edi – 3:0. Bugun bo'lib o'tgan ikkinchi kun bahslarida ham ushbu jamoalar bahs olib borishdi. Qizg'in va murosasiz kechgan o'yinda qoraqalpog'istonlik qizlarning qo'li yana bir bor baland keldi (3:0) va O'zbekiston superkubogini qo'lga kiritishdi.

Erkaklar o'rtasida esa OTMK jamoasi hamda Samarqandning “O'ztelekom” jamoasi o'zaro bahs olib bormoqda. Birinchi o'yinda chempionatning oltin medallarini qo'lga kiritgan OTMK jamoasi voleybolchilari mamlakat kubogi sohibi Samarqandning “O'ztelekom” jamoasi ustidan – 3:1 hisobi bilan g'alaba qog'ongan edi.

Kecha bo'lib o'tgan uchrashuvda Samarqandning “O'ztelekom” jamoasi kechagi mag'lubiyatdan kerakli hulosa chiqargan ko'rinadi raqiblariga hech qanday imkoniyat qoldirmadi – 0:3. Endi jamoalar ertaga hal qiluvchi bahslarga kirishadi. Umumiy hisob hozircha 1:1 bo'lib turibdi. Bugun bo'lib o'tadigan bahsda g'alaba qozongan jamoa erkaklar o'rtasida O'zbekiston superkubogini qo'lga kiritadi.

SHuningdek, voleybol sportiga o'z hissalarini qo'shib kelayotgan bir qator murabbiylar diplom va estalik sovg'alari bilan taqdirlandi.