Voleybol "sahnasi"da mahalla xotin-qizlari + FOTO

Yangibozor tuman prokuraturasi, Xorazm viloyati Yoshlar siyosati va sport bosh boshqarmasi, Yoshlar ishlari agentligi tuman bo'limi, tuman birinchi va ikkinchi sonli sport maktbalari hamkorligida tashkil etilgan mazkur musobaqada tumandagi 10 ta mahalladan 80 nafardan ziyod xotin-qizlar ishtirok etishdi. 

Murosasiz va ko'taringki ruhda o'tgan bellashuvlarda birinchi o'rinni "Xalqobod" mahalla fuqarolar yig'ini jamoasi qo'lga kiritdi. Ikkinchi o'rinni "Qoratepa" MFY jamoasi egallagan bo'lsa, uchinchi o'rin "Yangiobod" MFY jamoasiga nasib etdi. 

Musobaqa yakunida kuchli uchlikdan joy olgan jamoalar tashkilotchilar tomonidan munosib taqdirlanishdi.

- Viloyat Yoshlar siyosati va sport bosh boshqarmasi, Yangibozor tuman prokuraturasi, tumandagi sport maktablari va boshqa masul tashkilotlar hamkorligidagi mazkur musobaqa mahallalarda istiqomat qilayotgan xotin-qizlar o'rtasida jismoniy tarbiya va sportni keng ommalashishiga xizmat qiladi, - deydi belbog'li kurash bo'yicha xalqaro toifadagi hakam, Yangibozor tuman 2-sonli sport maktabining ommaviy sportni rivojlantirish va selekciya ishlari bo'yicha direktor o'rinbosari Bekbergan Baltaev. - Bu kabi ommaviy sport bellashuvlari nafaqat sog'lom turmush tarzini targ'ib qiladi balki sportda iqtidori yuqori yoshlarni saralashga ham xizmat qiladi.

Ilhom RAHMONOV tayyorladi