Voleybol: Samarqandda O'zbekiston kubogi bo'lib o'tmoqda

Mazkur musobaqaning tantanali ochilish marosimida Respublika voleybol federaciyasi ijrochi direktori F.Alimov, Samarqand viloyati hokimi o'rinbosari R.Qobilov ushbu sport turining yanada ommalashayotgani va kuchli jamoalar safi kengayotganini takidlab o'tishdi. SHuningdek, bu galgi musobaqada ilk bor respublikamizning 13 ta viloyatining jamoalari maydonda o'z mahoratlarini sinovdan o'tkazayotganini etirof etib o'tishdi.

O'zbekiston kubogida jamoalar 4 guruhga bo'lingan holda bahsga kirishdi. “A” guruhidagi bahslarda Buxoro viloyatining “Buxoro” jamoasi Jizzax davlat pedagogika institutining “JizDPI” jamoasi ustidan 3:1 hisobida g'alaba qozondi. SHuningdek, jizzaxliklar ushbu guruhda o'yin olib borib, Toshkent shahrining “Orient” jamoasiga ham yutqazib qo'ydi.

“V” guruhida o'ynagan “Andijon” jamoasi “Navoiy olimp” jamoasiga 0:3 hisobida mag'lub bo'ldi. “S” guruhida bellashgan Samarqandning “Aloqa” jamoasi voleybolchilari “Sirdaryo” jamoasini 3:0 hisobida engdi. “D” guruhida yana bir samarqandliklarning “SamDU” jamoasi Farg'ona davlat universitetining “Yoshlik” jamoasini 3:2 hisobida mag'lub etdi. Farg'ona viloyatining “Qo'qon” jamoasi esa Navoiy viloyatining “Sug'diyona” jamoasiga yutqazdi.

Eslatib o'tamiz, mazkur musobaqa 17 noyabrga qadar davom etadi. Yakunda turnir g'olib va sovrindorlari tashkilotchilar tomonidan kubok, diplom va esdalik sovg'alari bilan taqdirlanishadi.