Voleybol. Yaponiyadagi Osiyo chempionatida terma jamoamizdan kutilgan start

Qita chempionatida 16 jamoa 4 guruhga bo'lingan holda bahslarga kirishdi. 

Erkaklar o'rtasida Osiyo chempionati

“A” guruhi: Yaponiya, Hindiston, Qatar, Bruney,

“B” guruhi: Eron, Pokiston, Tailand, Gonkong,

“S” guruhi: Avstraliya, Xitoy, O'zbekiston, Quvayt,

“D” guruhi: Janubiy Koreya, Xitoy taypeyi, Qozog'iston, Saudiya Arabistoni.

Afsuski, vakillarimiz guruh bosqichini Avstraliya terma jamoasiga qarshi boshlashdi va o'yinda 0:3 hisobida yutqazib qo'yishdi. Hamyurtlarimiz ancha nomdor hisoblangan “Yashil qita” vakillariga 16:25, 19:25, 19:25 hisoblarida imkoniyatni boy berishdi. Guruhdagi ikkinchi o'yinda esa Xitoy terma jamoasi Quvaytni 3:0 hisobida engdi.

Birinchi turdan so'ng Avstraliya terma jamoasi 3 ochko bilan 1-o'rinni egallab turibdi. Ikkinchi o'rindagi Xitoy hisobida ham shuncha ochko bor. Vakillarimiz esa qo'shimcha koefficientlarga ko'ra Quvaytni ortda qoldirgan holda uchinchi pog'onadan joy olishgan.

Ayni shu daqiqalarda vakillarimiz 2-tur doirasida Xitoyga qarshi maydonga tushishgan.