WTA reytingi. Top-10`da bir nechta o'zgarish, Nigina 31 pog'onaga pastladi, Milana va Sevil ko'tarildi

Dunyo tennis malikalari Top-10`taligida bir nechta o'zgarish kuzatildi. Amerikalik Kori Goff kuchli uchlikka kirib oldi. Oldin 3-o'rinda bo'lgan qozog'istonlik Elena Ribakina 5-pog'onaga tushib ketdi. Avstraliya Ochiq chempionatining finalida o'ynagan xitoylik CHjen Cinven 15-pog'onadan 7-o'ringa ko'tarildi. Dunyo tennis malikalari reytingini hamon Iga Svyontek boshqarmoqda. Australian Open chempioni, belaruslik Arina Sobolenko ikkinchi o'rinni mustahkamlab oldi. 

Yangilangan reytingda uch nafar tennischi qizlarimizning ikkisi yuqorilashga erishdi. Ikkinchi raketkamiz Sevil Yuldasheva 10, Milana Maslenkova 2 o'ringa yuqoriladi. Mamlakatimizning birinchi raketkasi Nigina Abduraimova 31 pog'onaga pastlab, 241-o'ringa tushib ketdi. U omadsiz ishtiroki sabab 48 ochko yo'qotgan.  

WTA reytingi. 2024 yil 30 yanvar kungi holat:

1. (1) Iga Svyontek (Polsha) - 9770 ochko

2. (2) Arina Sobolenko (Belarus) - 8905

3. (4) Kori Goff (AQSH) - 7200

4. (5) Jessika Pegula (AQSH) - 5705

5. (3) Elena Ribakina (Qozog'iston) - 5688

6. (6) Ons Jaber (Tunis) - 4076

7. (15) CHjen Cinven (Xitoy) - 3950

8. (7) Marketa Vondroushova (CHexiya) - 3846

9. (8) Mariya Sakkari (Greciya) - 3710

10. (9) Karolina Muxova (CHexiya) - 3520...

O'zbekistonlik tennischilarning WTA reytingidagi o'rni:

241 (210). Nigina Abduraimova – 316

1072 (1082). Sevil Yo'ldosheva – 14

1363 (1365). Milana Maslenkova – 3