07 jan 11:12
Yangiliklar

Boks/MMA, Futbol

Xabib "Manchester Siti" futbolchilarining libosini tanqid qildi + FOTO

UFC shon-shuhrat zali azosi, liganing sobiq chempioni Xabib Nurmagomedov nima uchun "Manchester Siti" futbol klubi o'yinchilarini o'z zaliga kiritmasligini aytdi.

"Men ularga bu pushti ko'ylaklarda zalga kirishga ruxsat bermasligimni aytdim. Ular mening hazillashmaganimni payqamay kulishdi. Men bu gaplarni hazildan tashqari aytdim", - deb yozdi Nurmagomedov ijtimoiy tarmoqdagi sahifasida.

Kecha Xabib Nurmagomedov "Manchester Siti" qarorgohida bo'lib, jamoa futbolchilari bilan uchrashgan edi. Xususan, Abduqodir Husanov Xabibga o'z futbolkasiga dastxat qo'yib sovg'a qilgandi. Nurmagomedov Abduqodir bilan bir soatcha gaplashgan bo'lsam, u bitta ham so'z aytmadi deb kulib ham qo'ygandi.