Xanchjou-2022, Parij-2024: Boks bo'yicha terma jamoamizning tayyorgarlik rejalari ko'rib chiqildi

Bu borada MOQ sport federaciyalari va associaciyalari bilan hamkorlikdagi ishlarni boshlab yuborgan. MOQ raisi O'zbekiston boks federaciyasiga tashrif buyurib, jamoamizning bo'lajak musobaqalarga tayyorgarlik rejalari bilan yaqindan tanishdi. Mazkur yig'ilishda MOQ raisi o'rinbosari, O'zbekiston boks federaciyasi raisining birinchi o'rinbosari Saken Polatov boshchiligidagi federaciya mutasaddilari, murabbiylar ham ishtirok etishdi.

Yig'ilishda federaciya murabbiylar shtabi yoshlar jamoasi bilan ishlash, o'sib kelayotgan “O'zbek yo'lbarslari”ning salohiyati, bo'lajak musobaqalarda ishtirok etishga nomzod bokschilar, terma jamoalarni ushbu O'yinlarga tayyorlashda tashkil qilinadigan muhim bosqichlar haqida batafsil gapirib o'tishdi. O'z navbatida, Rustam SHoabdurahmonov bokschilarimizga bo'lajak musobaqalarda katta umid bog'langaniga to'xtalib o'tdi.

“Hozir bokschilarimiz jahonda etakchi ekanliklarini isbotlab bo'lishdi. Ushbu sport turida o'zbek modelini dunyo tan oldi. Yangiobodda terma jamoamiz bilan o'quv-mashg'ulot yig'ini o'tkazishni istayotgan xorij jamoalari qancha ekanini barchangiz yaxshi bilasiz. Xalqimiz va Muhtaram Prezidentimiz barcha sport turlari qatori bokschilarimizdan ham bo'lajak musobaqalarda chiroyli g'alabalar kutishmoqda. Hukumatimiz barcha rejalarimizni qo'llab-quvvatlamoqda. Biz Jismoniy tarbiya va sport vazirligi, federaciyalarimiz bilan bir jamoa bo'lib, bir maqsad sari harakat qilamiz”, – dedi MOQ raisi.

Yig'ilish davomida iqtidorli bokschilarni saralab olish uchun selekcion musobaqalarni ko'paytirish va mazkur yo'nalishga alohida ahamiyat qaratish, shuningdek, ayollar terma jamoasini ham jahon etakchilari qatoriga olib chiqish kabi yo'nalishlarda tegishli topshiriqlar berildi.