Xanchjou-2022, Parij-2024: Federaciya va associaciyalar rahbariyati bilan onlayn uchrashuv

Unda MOQ rahbari Rustam SHoabdurahmonov, Olimpiya sport turlari bo'yicha federaciya va associaciyalar rahbariyati ishtirok etishdi.

Tadbirni Rustam SHoabdurahmonov olib bordi va 2021 yil bo'lib o'tadigan Olimpiya o'yinlariga tayyorgarlik ko'rish uchun ajratilgan byudjet; o'smirlar va yoshlar terma jamoalari bo'yicha tashkil qilinadigan selekcion musobaqalar; terma jamoada murabbiylar shtabini shakllantirish; hududlardagi murabbiylar uchun seminarlar o'tkazish; asosiy jamoa uchun mahalliy va xorijiy o'quv-mashg'ulot yig'inlarini tashkil qilish kabi kun tartibidagi mavzular yuzasidan birma bir fikr bildirib o'tdi.

“Hozir barcha sport turlari bo'yicha federaciyalarimizning Xanchjou-2022 Osiyo o'yinlari va Parij-2024 Olimpiya o'yinlariga tayyorgarlik rejalari bo'yicha taqdimotlarini eshitmoqdamiz. O'z navbatida, hukumatimizga o'z minnatdorchiligimizni bildirmoqchimiz. Rejalarda ko'rsatilgan mablag'lar deyarli to'liqligicha moliyalashtiriladigan bo'ldi. Buyog'iga endi o'z rejamiz bo'yicha ishlashimiz kerak. Har bir sport turida tajribali murabbiylarimiz bor va ular uzoq yillik tajribalari asosida sportchilarimizni tayyorlashadi. O'zimizning tajribali murabbiylarimizda ham yaxshi metodika bor. Nasib qilsa, bu haqida o'quv-qo'llanmalar chiqaramiz”, – dedi MOQ rahbari.

Tadbir yakunida federaciya va associaciyalar rahbariyatiga kun tartibidagi masalalar, shuningdek, qilinishi zarur bo'lgan qo'shimcha chora-tadbirlar bo'yicha kerakli tavsiya va topshiriqlar berib o'tildi.