Xanchjou-2022, Parij-2024: Tennis federaciyasining rejasi muhokama markazida

Milliy olimpiya qo'mitasi Jismoniy tarbiya va sport vazirligi bilan hamkorlikda Olimpiya sport turlari bo'yicha terma jamoalarimizni Xanchjou-2022 Osiyo o'yinlari va Parij-2024 Olimpiya o'yinlariga tayyorlash bo'yicha rejalar taqdimotini yo'lga qo'ygani haqida malum qilgan edik. Bugun kunning birinchi yarmida O'zbekiston tennis federaciyasi o'z rejalari bilan o'rtoqlashdi. ZOOM platformasida kechgan mazkur tadbirda Rustam SHoabdurahmonov boshchiligidagi MOQ mutasaddilari, Jismoniy tarbiya va sport vazirligi vakillari, shuningdek, O'zbekiston tennis federaciyasi rahbariyati, murabbiylar ishtirok etishdi.

Taqdimotini federaciya Bosh kotibi Iroda To'laganova olib bordi. Iroda Botirovna nutqi davomida bo'lajak yirik musobaqalarga qanday tayyorlanish, sportchilarimiz mahoratini oshirish va qayd etilayotgan natijalarni yaxshilash, xorijdan etuk mutaxassis jalb qilish orqali ham erkaklar, ham ayollar terma jamoasida kuchli murabbiylar shtabini shakllantirish va federaciyaning o'z oldiga qo'ygan boshqa rejalari haqida batafsil gapirib berdi. I.To'laganova taqdimot davomida selekciya ishlariga ham alohida to'xtalib, yosh iqtidorlarni saralash tizimi, tennisni yurtimiz bo'ylab yanada ommalashtirish uchun hududlarda moddiy-texnik bazasini yanada mustahkamlash borasida takliflar bildirdi.

Tadbir davomida MOQ rahbari Rustam SHoabdurahmonov ham taqdimot yuzasidan o'z fikrlarini aytib o'tdi.

“Tennis mamlakatimizda ulkan va o'ziga xos tarixga ega sport turlaridan hisoblanadi. Bugungi tadbirda o'zbek tennisi rivojiga o'z hissasini qo'shgan mutasaddilar ishtirok etishmoqda. Tarkibida Ogorodov, Tomashevich va Kucenko kabi tennischilar bo'lgan jamoamiz o'z vaqtida Osiyo qitasida etakchi bo'lgan. O'zbekiston tennis bo'yicha qulay bazaga ega. Men federaciya mutasaddilaridan selekciya ishlariga yanada ko'proq etibor berishlarini, haqiqiy iqtidor egalarini saralab olishga alohida ahamiyat berishlarini so'rab qolardim. Terma jamoa tarkibidan joy olish yoshlar uchun o'zgacha faxr berishi va undan tennischilarimiz g'ururlanishi lozim. Sportchilar orasida sog'lom raqobat uyg'otish kerak. SHuningdek, ularga motivaciya beradigan musobaqalar sonini ko'paytirish talab etiladi», – dedi MOQ rahbari.

Onlayn tadbir davomida mazkur sport turini yanada ommalashtirish, tayyorgarlik bosqichlari haqida atroflicha fikr-mulohazalar bildirildi.