Xanchjou-2022, Parij-2024: Triatlon sportining istiqboli, rejalar va muammolar muhokama qilindi

Taqdimotni O'zbekiston triatlon federaciyasi bosh kotibi Elena Kun olib bordi. Mutaxassis nutqining boshida konferenciya ishtirokchilarini kompleks musobaqalarga tayyorgarlik rejalari bilan tanishtirdi. SHuningdek, jamoamiz Tokio-2020 Olimpiadasi uchun licenziyani qo'lga kirita olmaganligi sababi ham tushuntirildi.

“Triatlon sportida Olimpiada licenziyasini qo'lga kiritish uchun atlet Olimpiada saralash davridagi musobaqalarda muntazam ishtirok etib, reyting ochkolarini jamg'arishi va shaxsiy reytingda TOP-140 talikdan o'rin olishi kerak. Triatlon bo'yicha Tokio-2020 Olimpiada saralash davri 2018 yil 11 maydan 2020 yilning mart oyi oralig'ida o'tdi. O'zbekiston triatlon federaciyasi 2019 yil tashkil topganligi va iyul oyidan terma jamoa shakllantirilgani sabab vakillarimiz etarli reyting ochkolarini jamg'ara olishmadi”, – dedi Elena Kun.

SHuningdek, mutaxassis hal qilinishi kerak bo'lgan muammolar, xususan triatlonchilarning muqim sport bazasiga ega emasligi va shu sabab mashg'ulotlar jarayonida noqulayliklar paydo bo'lishi haqida gapirdi.

Tadbir davomida MOQ prezidenti Rustam SHoabdurahmonov so'zga chiqib, taqdimot to'g'risida fikrini bildirdi.

“Taqdimotni batafsil ko'rib chiqdim va mamlakatda triatlonning rivojlanishini yanada kuchaytirish zarurligi haqida aytib o'tmoqchiman. Men sizga Parij-2024 yo'lida o'z sport turingiz uchun ko'rsatilgan raqamdan tashqari yana bir licenziyani qo'lga kiritishni rejalashtirishingizni maslahat beraman. Federaciya sportchilarni nafaqat jismoniy jihatdan tayyorlashi, balki ularni ijtimoiy tomonlama ham qo'llab-quvvatlashi kerak. Sizdan yuqori natijalar talab qilamiz. Biz esa Jismoniy tarbiya va sport vazirligi bilan Sizga yordam berishga va qo'llab-quvvatlashga tayyormiz”, – dedi MOQ rahbari.

Tadbir yakunida ishtirokchilar triatlon sportini moliyalashtirish, federaciyani zarur sport inshootlari bilan taminlash va «Yo'l xaritasi»ni ishlab chiqish bo'yicha o'z fikrlarini bildirdilar.