Xanchjou-2022 va Parij-2024: Muhokama markazida O'zbekiston triatlon federaciyasi

O'zbekiston triatlon federaciyasi bu boradagi rejalari bilan tanishtirdi. ZOOM platformasida o'tgan yig'ilishda MOQ raisi Rustam SHoabdurahmonov, O'zbekiston triatlon federaciyasi mutasaddilari va terma jamoa murabbiylari, MOQ xodimlari ishtirok etishdi. 

Taqdimotni federaciya bosh kotibi Elena Kun olib bordi. Mutaxassis Xanchjou va Parij musobaqalariga tayyorgarlik strategiyasi qatori, yuzaga kelayotgan muammolar borasida ham to'xtalib o'tdi. 

Unga ko'ra, hozirda terma jamoaning muqim shug'ullanishi uchun moddiy-texnik baza etishmasligi asosiy masalalardan biri bo'lib turibdi. O'z o'rnida MOQ raisi bu muammo qisqa kunlar ichida Jismoniy tarbiya va sport vazirligi hamda Respublika Olimpiya zaxiralari kollejining mutasaddi rahbarlari orqali hal qilinishini takidladi.

“Triatlonni rivojlantirish borasida katta ish olib bormoqdasizlar. So'nggi davrda ko'plab viloyatlarimizda triatlon yanada ommalashdi. Uning targ'ibotini kuchaytirish borasida bo'limlari hali ochilmagan viloyatlarimizda ham hududiy filiallar ochish zarur. Biz Sizlarning yordamchingizmiz. Birgalikda olg'a harakat qilishimiz kerak. Hukumatimiz bizni doimo qo'llab-quvvatlab kelmoqda. Baza borasidagi masalani Respublika Olimpiya zaxiralari kolleji hududi orqali hal qilishni taklif qilaman. Ishonamizki, ushbu maskan bu masalada bizga yordam beradi”, – dedi Rustam SHoabdurahmonov.

Malum qilinishicha, hozirda triatlon bo'yicha terma jamoamiz tarkibiga 24 nafar sportchi kiritilgan. Suhbat davomida jamoa ishtirok etadigan xalqaro va mahalliy o'quv-mashg'ulot yig'inlari, musobaqalar atroflicha muhokama qilindi. MOQ raisi jamoa shifokoriga sportchilarning salomatligini qattiq nazoratga olish, barcha epidemiologik talab va qoidalarga rioya qilish borasida topshiriqlar berib o'tdi.