Xitoyda 42 metrli ko'rfaz ichiga kirib boruvchi ilk dengiz muzeyi ochildi

Ahamiyatlisi, ushbu muzey 42 metrli ko'rfaz ichiga kirib boradi va mintaqaning o'tmishi, buguni va kelajagi haqida bayon qiladi.

Bino eng zamonaviy energiya tejaydigan tizimlar, jumladan, quyosh energiyasidan foydalanish texnologiyasi, yomg'ir suvini yig'ish va qayta ishlash texnologiyalari, geotermal isitish tizimi va boshqalar bilan jihozlangan.

Avstraliyaning “COX Architecture” studiyasida ijod qiladigan badiiy dizayner va memorlar tomonidan yaratilgan Xitoy Milliy dengiz muzeyi mamlakatning yirik port shahriga qo'shimcha ko'rk bag'ishlamoqda. Kompleksning etiborni tortuvchi, noodatiy konstrukciya va original dizayni 4 ta “qanot” va 2 ta konsoldan iborat bo'lib, ular go'yo ko'rfazning dengiz qirg'og'iga harakatlanayotgandek ko'rinadi.

Loyiha muallifining fikriga ko'ra, uch qavatli majmua 4 ta alohida obektlardan iborat bo'lib, ularning har biri turli xil suv mavzulariga bag'ishlangan: “qadimgi okean”, “okean bugun”, “sayohat va kashfiyotlar” va “ajdarho davri”. Ushbu zallarning barchasi bir-biri bilan chambarchas bog'liq bo'lib, tashrif buyuruvchilarga Xitoyning dengiz evolyuciyasini anglash va sharhlash uchun Evropa, Amerika va Osiyodagi voqealar bilan uzviy bog'liqdir. Uch qavatli Milliy dengiz muzeyi 80 ming kvadrat metr maydonni o'z ichiga oladi.

Ulkan majmuada oltita ko'rgazma maydonchalari va har biri bilan bog'langan 15 ta sanat zali yaratilgan. Bunday ulkan o'lchamlarni hisobga olsak, shunchaki asosiy tuzilmani (“skeletini”) yaratish uchun 17 ming tonna po'lat kerak bo'lib, majmuaning fasad kompleksi uchun jami 3,5 ming tonna shisha va 55 ming kv. metr alyuminiy sarflandi.