Xolifild Tayson bilan jang imkoniyatlari haqida gapirdi

"50 yoshli har qanday bokschi bilan jang qilishim mumkin, uning kim bo'lishi ahamiyatsiz. Agar siz 50 yoshdan oshgan bo'lsangiz, meni mag'lub eta olmaysiz. 

Biz Riddik Bou bilan birga ko'rgazmali jang o'tkazmoqchi edi, chunki biz do'stmiz. Lekin, hozir uning ahvoli og'ir. 

Agar bu Mayk Tayson bo'lsa yaxshi. Ular menga ko'proq pul to'lashlari kerak bo'ladi. Tayson yana qulog'imni tishlab olishi mumkinligidan qo'rqmaymanmi? Yo'q yo'q. O'shanda nima uchun bunday qilganini tushunaman, hozir bunday muammo yo'q. U o'zini himoya qilishga uringandi va yuragida muammolar bor bokschiga yana yutqazayotganini tushunib qolgandi. O'shanda u o'ziga "Agar u meni mag'lub etsa mening obro'imga zarar etkazadi, lekin men hozir nimadir qilsam men haqimda "U jinni!" deyishadi", - dedi Xolifild. 

Malumot uchun, Xolifild ikki marotaba Taysonga qarshi jang qilgan va ularning har ikkisida ham g'alaba qozongan. Bokschilar o'rtasidagi ikkinchi jangda (1997 yil) Tayson Xolifildning qulog'ini tishlab olgandi.