XOQ Parij-2024 O'yinlarining yangilangan rejasini tasdiqladi

Bu haqidagi qaror Xalqaro Olimpiya qo'mitasining Ijroiya qo'mitasi tomonidan tasdiqlanganidan so'ng qabul qilindi.

Parij-2024 Tashkiliy qo'mitasi tomonidan qabul qilingan strategiya O'yinlarni o'tkazishda yangi davrni boshlamoqda. Bo'lajak Olimpiadada foydalaniladigan obektlarning 95 foizi ayni damda mavjud. Bu yangi obektlar qurilishi sonini kamaytiradi, ayrim inshootlardan birgalikda foydalanishni ko'zda tutadi va byudjet mablag'larini tejash imkonini beradi.

Sena-Sen-Deni departamentida qoyaga ko'tarilish sportining yangi obekti quriladi. Bundan tashqari ushbu hududda sportning beshta olimpiya turlari: engil atletika, suv sporti turlari, qoyaga ko'tarilish sporti, regbi-7 va o'q otish musobaqalari o'tkaziladi.

O'yinlar uchun maxsus suv sporti turlari bo'yicha olimpiya markazi, shuningdek Olimpiya qishlog'i va Media shaharcha barpo etiladi.