XOQ va JSST o'rtasida yangi memorandum imzolandi

Jumladan, jismoniy faollik, sport hamma uchun, tamakisiz Olimpiya o'yinlari va bolalarning semirib ketishini oldini olish kabi mavzular hamkorlikning asosiy g'oyalaridan bo'lib turibdi. SHveycariyaning Lozanna shahrida mazkur ikki tashkilot rahbarlari Tedros Adanom Gebreisus (JSST) va Tomas Bax (XOQ) o'rtasida hamkorlikni yanada kuchaytirish borasida kelishuv imzolandi.

Memorandumda takidlanganidek, tomonlar dunyo aholisi orasida yurak-qon tomir, saraton, diabet va ko'plab yuqumli kasalliklarga chalinish xavfini kamaytiradigan tadbir va strategiyalarni ilgari surish bo'yicha ish olib boradi. Statistik malumotlarga ko'ra, yuqumli bo'lmagan kasalliklar natijasida har yili 35 million kishi (9-60 yosh oralig'i) hayotdan bevaqt ko'z yumadi. Jismoniy faollikning etishmovchiligi natijasida esa har yili qariyb 2 million inson vafot etadi.

Har ikki tashkilot 1984 yildan beri hamkorlikda faoliyat olib boradi. Natijada o'tgan davr oralig'ida sog'lom turmush tarzi, ommaviy sport va Olimpiya harakati g'oyalari Er yuzida sezilarli darajada oshdi. Tomonlarning keyingi hamkorligi koronavirus pandemiyasi avj olgan mana shu davrga to'g'ri kelmoqda.

“Biz XOQda O'yinlar hamma uchun xavfsiz muhitda tashkil etilishi kerak, degan tamoyilni o'rnatdik. SHu sababdan JSST bilan fevral oyidan mazkur yo'nalish bo'yicha ishchi guruh faoliyatini boshladik. Biz Jahon sog'liqni saqlash tashkilotining kelajakdagi musobaqalar uchun xavfsiz muhitni taminlashi uchun qo'llab-quvvatlashiga va maslahatiga umid qilamiz”, – dedi Tomas Bax.