Xorazmda Mustaqillik bayramiga bag'ishlangan sport musobaqalari tashkil etildi

Jumladan, Xorazm viloyatining barcha hududlarida ham Olimpiya va milliy sport turlari bo'yicha viloyat birinchiliklari tashkil qilinmoqda.

Urganch shahridagi viloyat Badminton markazida 2001 yilda tug'ilgan va undan kichik yoshdagi o'g'il-qizlar ishtirokida badminton bo'yicha viloyat birinchiligi bo'lib o'tdi. Mazkur musobaqada har bir tuman (shahar)dan eng kuchli 2 nafardan yosh badmintonchi ishtirok etdi.

SHuningdek, Urganch shahridagi 2-son umumtalim maktabi sport zalida stol tennisi bo'yicha 2008-2009 yillarda tug'ilgan o'g'il-qizlar ishtirokida Xorazm viloyati chempionati tashkil qilindi. Yosh stol tennischilarning o'zaro bahslari ham qizg'in bahslarga boy bo'ldi.

Musobaqalarni tashkil qilish jarayonida bir necha oy davomida masofaviy shaklda mashg'ulotlarda ishtirok etgan yosh sportchilarimiz o'z mahoratlarini qay darajada oshirganliklarini namoyon etishdi. Bundan tashqari, ushbu musobaqa orqali murabbiylarimiz ham shogirdlarining texnik kamchiliklarini aniqlash va kelgusi mashg'ulotlarda shu jihatlarga etibor qaratish imkoniga ega bo'ldilar. Musobaqa g'olib va sovrindorlari Xorazm viloyati jismoniy tarbiya va sport boshqarmasi tomonidan diplom va medallar bilan taqdirlandi.

Har ikkala musobaqa ham karantin qoidalariga to'liq rioya qilingan holda tashkil etildi.