Xosep Gvardiola: "Bayramda yig'ilgan barcha ortiqcha vazn shu o'yinda tashlandi"

"Rojdestvoda yig'ilgan barcha ortiqcha vaznni shu o'yinda tashladim. Yana o'z holatimga qaytdim. SHon Daych qanday jamoa qurdi-ya... Bu uch ochko bizga juda-juda muhim edi.

"Nottingem Forest" - zo'r jamoa. Ular aqlbovar qilmas o'yin ko'rsatishmoqda. Igor barcha yakkakurashlarda g'olib bo'lmoqda. Tarkib sifatli futbolchilardan tashkil topgan. O'tgan mavsum yakunlariga ko'ra, faqatgina bir necha ochko ularni ECHLdan uzoqlashtirdi. Ular endi evrokuboklarda o'ynashmoqda. Fantastik jamoaga qarshi safarda, ayniqsa, qishda o'ynash - juda qiyin.

So'nggi kunlar davomida biz bu haqda ko'p gapirdik. Qishda "Nottingem Forest" maydoniga kelish kerak ekan, keldik. Agarda tayyor bo'lmaganimizda bu o'yinda g'olib bo'la olmasdik. Jamoaning mentaliteti juda yuqori. SHu sababli yigitlardan mamnunman".

O'zgarishlar haqida

"To'p chizig'ida juda ko'p futbolchilar to'planib qolishdi va shu sababli bo'sh hududlar kam edi. Biz esa himoyadan tez chiqishni boshladik. Keng o'ynaganimizdan keyingina vaziyatlar yaratdik".

Peshqadamlik haqida

"18 o'yin o'ynadik, birinchi davrani yakunlashda oz vaqt qoldi. Ikkinchi davrada ham huddi hozirgidagidek o'yinlar bizni kutmoqda. Premer-liga yildan-yilga kuchayib, qiyinlashib bormoqda. Bugungi g'alaba yoki mag'lubiyat hech narsani anglatmasdi. Oldinda o'yinlar ko'p", - dedi Gvardiola.