06 apr 11:56
Yangiliklar

Tennis

Xubert Gurkach Eshtorilda 1/2 finalga chiqdi

Portugaliyaning Eshtoril shahrida tennis bo'yicha ATP turniri o'tkazilmoqda.

Dunyoning 10-raketkasi Xubert Gurkach musobaqa bosh sovrini uchun asosiy davogar bo'lib turibdi. Polshalik tennischi 1/4 finalda ATP reytingida 152-pog'onada borayotgan ispaniyalik Pablo Yamas-Ruisni qiyinchilik bilan mag'lubiyatga uchratdi - 7/6(4), 6/4.

Bu tennischilarning o'zaro ilk uchrashuvi edi. Bir soatu 46 daqiqa davom etgan bahsda Gurkach 4, Yamas-Ruis 1 ta eys zarbasini amalga oshirdi. Ikkala tennischi ham 1 tadan qo'shxatoga yo'l qo'ygan. Bitta breyk Xubertni yarim final ishtirokchisiga aylantirdi.