Yaponiya futbol associaciyasining yangi prezidenti etib 47 yoshli sobiq futbolchi Cuneyasu Miyamoto tayinlandi. Mutaxassis bundan avval boshqaruvchi direktor lavozimida ishlab kelgandi.
Futbolchilik faoliyati davomida "Gamba Osaka", "Red Bull Zalcburg", "Vissel Kobe" kabi klublarda to'p tepgan Miyamoto 2002 va 2006 yilgi jahon chempionatlarida o'ynagan. Hatto sardorlik sifatida ko'pgina o'yinlarda Yaponiya terma jamoasini maydonga boshlab tushgan.
Matubot anjumanida Miyamoto o'z rejalarini OAV vakillari bilan o'rtoqlashdi. Elon qilingan manifestda quyidagi vazifalarga alohida etibor qaratilgan:
- Kuchli Yaponiya terma jamoasini shakllantirish;
- Bolalar, qizlar va keksalarga etibor qaratgan holda futbol bilan shug'ullanuvchilar sonini ko'paytirish;
- Atrof-muhit muammolariga futbol orqali yondashish, ijtimoiy tashabbuslar orqali mahalliy hamjamiyatlarning muammolarni hal qilishga hissa qo'shish.
Miyamotoning takidlashicha, strategik harakatlar natijasida Yaponiya 2050 yilga borib o'z yashil maydonlarida jahon chempionatini qabul qilib, chempionlikka erishmoqchi.
Fikrlar