Rasmiy startiga 10 kun qolgan Osiyo o'yinlari manzilida rekord darajadagi yog'ingarchilik sabab millionlab odamlar evakuaciya qilinmoqda

Nagoya shahrida rekord darajadagi yog'ingarchilik — soatiga 104,5 mm qayd etildi. "Yomiuri" nashrining xabar berishicha, shahar hokimiyati 2 million kishini evakuaciya qilmoqda.

SHaharning gavjum markazi — Sakae tumanida yo'llarni suv bosgan, suv sathi tizzagacha ko'tarilgan. Poezdlar, avtobuslar va boshqa jamoat transportlari qatnovi aynan tig'iz vaqtda to'xtatildi. Jumladan, JR, Meitetsu kompaniyalari, Nagoya shahar metrosi o'z ishini to'xtatdi. Nagoya vokzali yaqinida va boshqa joylarda uyiga qayta olmagan odamlar uchun vaqtinchalik joylashtirish punktlari tashkil etildi.

Yaponiya meteorologiya xizmati SHonay daryosi uchun "beshinchi darajali suv toshqini bo'yicha maxsus ogohlantirish" elon qildi. CHubu mintaqaviy rivojlanish byurosi malumotlariga ko'ra, prefektura hukumati tasarrufidagi 15 ta er osti o'tish yo'lidan ikkitasini suv bosgan. Hozircha jabrlanganlar haqida malumot kelib tushmagan.

Yog'ingarchilik rekordi Nagoya meteorologiya observatoriyasi tomonidan 8 sentyabr kuni mahalliy vaqt bilan soat 15:53 dan 16:53 gacha bo'lgan vaqt oralig'ida qayd etilgan. Avvalgi rekord (97 mm) Yaponiyada 2000 yil 11 sentyabrda Tokay hududida qayd etilgan edi.

Mahalliy meteorologiya observatoriyasi malumotlariga ko'ra, bugun, 9 sentyabr kuni soat 18:00 ga qadar 24 soat ichida ayrim hududlarda yog'ingarchilik miqdori 200 mm ga etishi, 10 sentyabr kuni soat 18:00 ga qadar esa yana 80 mm yog'in yog'ishi kutilmoqda. Agar chiziqli yomg'ir mintaqasi shakllanadigan bo'lsa, yog'ingarchilik miqdori mahalliy darajada yanada ortishi xavfi mavjud.