28 mar 13:50
Yangiliklar

Boks/MMA

"Yaxshiyam u meni o'ldirib qo'ymadi". Bir jang tarixida Mayk Tayson - Lennoks Lyuis to'qnashuvi (FOTO+VIDEO)

Bu super to'qnashuv 2002 yilda bo'lib o'tgan.

Bu jangni boks muxlislari juda uzoq kutishadi. Aslida Lyuis-Tayson jangi 1996 yilda bo'lishi lozim bo'ladi, lekin o'sha vaqtda Tayson moddiy jihatdan yaxshiroq Xolifild variantini tanlaydi. O'shanda Tayson Xolifilddan so'ng Lyuisga qarshi jang qilishga vada beradi, ammo kutilmaganda Mayk mag'lub bo'ladi. Bu vaqt oraligida esa Lyuis superog'ir vazn toifasida deyarli barcha kamarlarni birlashtirishga erishadi.

Jang sanasi: 22.06.2002

Jang manzili: Ze Piramid, Memfis, Tennessi, AQSH

Jang hakami: Eddi Kotton.

Jangga qadar bokschilarning natijasi:

Mayk Tayson 52 ta jang (49 ta g'alaba, 3 ta mag'lubiyat, 43 KO)

Lennoks Lyuis 42 ta jang (39 ta g'alaba, 2 ta mag'lubiyat, bitta durang 30 KO)

Jangning ilk daqiqalardan har ikki bokschi ochiq jangga kirishib ketishadi va birin-ketin kuchli zarbalar manziliga aniq boradi. Ikkinchi raundda britaniyalik chempion raqibiga nisbatan ancha yaxshi harakat qila boshlaydi va raundni o'z hisobiga yozib qo'yishga erishadi. Uchinchi raundga kelib «Temir» Tayson ustunlikni o'z qo'liga olishga harakat qilib ko'radi, ammo Lyuis masofada raqibini bir necha marta ushlashga erishadi va Taysonning o'n qoshida yoriq paydo bo'ladi.

4-5 raundlarda Lyuis raqibidan har jabhada ustunligini namoyish etishni boshlaydi va Maykga hech qanday imkoniyat qoldirmasdan, ringning «haqiqiy» qiroliga aylanadi. 8-raundning ikkichi yarmida Lennoksning chap qo'p apperkot zarbasi manziliga aniq etib boradi va Tayson jangda ikkinchi marta nokdaun holatiga tushib qoladi, raund yakuniga yaqinlashayotganida esa Lyuis yana bir bor raqibini nokdaunga tushirishga erishadi, ammo bu safar Tayson o'rnidan turishga ulgurmaydi va hakam jangni sakkizinchi raundda to'xtatishga majbur bo'ladi. SHu tariqa, ikki boks «Titan»lari o'rtasidagi bahsda britaniyalikning qo'li baland keladi.