Zverev 6 yildan so'ng yana Mayami "Masters" 1/2 finalida kortga chiqadi

Dunyoning beshinchi raketkasi, germaniyalik Aleksandr Zverev 1/4 finalda ATP reytingida 57-pog'onadan joy olgan vengriyalik Fabian Marojandan ustun keldi - 6/3, 7/5. Bu tennischilarning o'zaro o'tkazgan ilk uchrashuvi edi. 

99 daqiqalik bahs statistikasi:

Aleksandr Zverev - 6 ta eys, qo'shxatoga yo'l qo'ymadi, 3 ta breyk 

Fabian Marojan - 8 ta eys, 1 ta qo'shxato, breyk amalga oshira olmadi

Etiborlisi, Zverev 6 yil deganda Floridadagi ushbu turnirning 1/2 finaliga chiqdi. Endi olmon tennischisi Miami Open final chiptasi uchun Grigor Dimitrovga qarshi kortga chiqadi. Bolgariyalik tennischi 1/4 finalda dunyoning ikkinchi raketkasi, ispaniyalik Karlos Alkarazni mag'lub etishni uddaladi.