03 мар 11:20
Янгиликлар

Футбол

"1 фоиз эҳтимол, 99 фоиз ишонч" — Рафинья "Атлетико"га қарши мўжизавий камбэкка ишонмоқда

"Барселона" клуби вингери Рафинья Испания Кубоги ярим финали доирасида "Атлетико"га қарши кечадиган муҳим жавоб учрашуви олдидан ижтимоий тармоқлар орқали мухлисларга мурожаат қилди.

Мўжиза рўй берадими?

Эслатиб ўтамиз, томонлар ўртасидаги дастлабки баҳсда мадридликлар 4:0 ҳисобидаги йирик ғалабани қўлга киритишган эди. Бугун, 3 март куни "Камп Ноу" стадионида бўлиб ўтадиган ҳал қилувчи жавоб ўйини олдидан бразилиялик футболчи ўзининг саҳифасида қуйидагича қисқа ва таъсирли пост қолдирди:

"1 фоиз эҳтимоллик, 99 фоиз ишонч. Биз сизларга суянамиз".

Кўринишидан, каталонияликлар ўз майдонида ақл бовар қилмас камбэкни амалга оширишга ва финал йўлланмасини илиб кетишга жиддий ишонмоқда.