Юлдузлар тўпланаётган Mangu MMA Лигаси дастлабки турнирининг марказий жангларини эълон қилди (ВИДЕО)

Ташкилотчилар мусобақанинг асосий беллашувларини эълон қилди.

Унга кўра, Mangu MMA 1 турнирининг марказий баҳсида ярим ўрта вазн тоифасида UAE Warriors Лигаси чемпиони бўлиб турган ҳамюртимиз Хотамбек Бойназаров Россия вакили Магомед Хабиб Рамазановга қарши октагонга кўтарилади. Маълумот учун, Бойназаров фаолияти давомида ҳозиргача 12 та жанг ўтказиб, барчасида рақибларидан устун келган. Рамазанов ҳисобида эса мағлубиятсиз бешта ғалаба мавжуд.

Co main event беллашуви эса енгил вазн тоифасидаги таниқли ММА устамиз Амирхон Алихўжаев (12-6-0) ва россиялик Магомед Салиев (11-4-0) ўртасида кечади.