UZ

Сўнгги янгиликлар

17:27Глендейлдаги проф бокс оқшоми иштирокчилари тарозига чиқишди 0 17:06"Барселона" тарбияланувчисини қайтармоқчи 0 16:45Содиқ Сафоев Ўзбекистон регби федерацияси раислигига қайта сайланди 0 16:24Нигина Абдураимова Словения турнирида 1/2 финалга чиқди 0 16:03Нурсултон Рўзибоев Дюмадан кейин Маҳмуд Мурадов учун реванш олмоқчи 0 15:42Антуан Гризманн қайтди 0 15:21Конор Макгрегор овқатланиш рационини кўрсатди + ФОТО 0 15:00Сен-Пьер: "Хабибни мағлуб эта олган бўлардим" 0 14:39"Буюк ипак йўли" турнирининг энг яхши боксчиси аниқланди 0 14:18«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи 0 13:57Нурсултон Шавкат Раҳмонов ва Хамзат Чимаев билан жанг қиладими? Рўзибоевнинг ўзи жавоб берди 0 13:36Катя Александрова Miami Open финалига чиқа олмади 0 13:15"Шон битта зарба билан Мерабни таслим этади" - мураббий 0 12:53Пеп Гвардиола «Манчестер Сити»даги келажаги борасида бир қарорга келди 0 12:31Цзю Спенс билан жанг қилиш учун камаридан воз кечишга тайёр 0

07 фев 18:00
Янгиликлар

Олимпия ўйинлари, Қишки спорт турлари, Қизиқарли!

Қишки Олимпиадага борадиган ўзбекистонлик спортчи билан ИНТЕРВЬЮ

Теглар :  Комил Тўхтаев
Хабарингиз бор, 9 февраль куни Жанубий Кореянинг Пхёнчхан шаҳрида XXIII қишки Олимпия ўйинлари старт олади.


Мазкур спорт анжуманида Ўзбекистон шарафини икки  нафар спортчи ҳимоя қилади. Улардан бири тоғ чанғиси баҳларида қатнашадиган Комил Тўхтаевдир. 

Биз Пхёнчханга жўнаб кетиш олдидан олдидан спортчи билан учрашиб, ўзимизни қизиқтирган саволларга жавоб олдик. 

-Комил, Олимпиадада қатнашиш бахтига муяссар бўлаётганингиз билан муборакбод этамиз. 

-Катта раҳмат. Мана шундай муҳим мусобақада Ўзбекистон шарафини ҳимоя қилиш бахти насиб қилаётганидан жуда хурсандман. Очиғини айтсам, жуда ҳаяжонланяпман.  Олимпия ўйинларида муносиб иштирок этишга ҳаракат қиламан.

-Мазкур ўйинларда қатнашиш ҳуқуқини қайси мусобақада қўлга киритгансиз?

-Жанубий Кореянинг Пхёнчхан шаҳрида бўладиган Олимпиадада иштирок этиш ҳуқуқини Италияда ўтказилган халқаро турнирда қўлга киритганман. Айнан ўша турнир менга Олимпия лицензиясини тақдим қилганди.


-Тоғ чанғиси билан қачон шуғулланишни бошлагансиз?

-Отам тоғ чанғиси бўйича Собиқ Иттифоқ спорт устаси бўлганлар. Икки ёшимдан бери чанғи нималигини биламан. 12 ёшимда эса профессионал тарзда машғулотлар ўтказишни бошлаганман.


-Айни пайтда қайси мураббий қўл остида машғулотларда иштирок этяпсиз?

 -Бугунги кунда Иван Вакуленко қўл остида шуғулланяпман. Олимпиадага айнан ушбу мураббий қўл остида тайёргарлик кўрдим. 


-Пхёнчхан Олимпиадасига тайёргарлик жараёни қандай бўлди?

-Дастлаб, жисмоний тайёргарлик устида ишладик. Кейин эса октябрь ойида қорли худудга йўл олдик. У ерда франциялик мураббий қўл остида машғулотлар ўтказдим. Сўнгра, спортчиларнинг халқаро лагерига бориб, бир ой шуғулландим. У ерда Россия, Украина, Қозоғистон, Тожикистон каби мамлакатлардан ҳам спортчилар бор эди. Бирга машғулотлар ўтказдик. Орада Италия, Хитой мамлакатларида ўтган мусобақаларда қатнашдик. 22-24 январь кунлари Қирғизистонда ўтган халқаро “Orlovka Cup” мусобақасида иштирок этдим ва совриндор бўлдим. Айни пайтда эса яна жисмоний тайёргарлик устида иш олиб боряпман. 



- Яқинлашиб келаётган Олимпиадада тоғ чанғисининг икки ҳил йўналишида иштирок этасиз. Сиз учун севимли бўлган йўналиш қайси?

-Тўғри айтдингиз. Жанубий Кореядаги Олимпия ўйинларида икки ҳил йўналишда стартга чиқаман. Слалом ва гигант слаломда. Бу йил гигант слалом йўналишида яхши натижалар қайд эта оляпман. Умид қиламанки, шу йўналишда муносиб иштирок эта оламан.


-Олимпия ўтказиладиган мамлакат - Жанубий Кореянинг трассалари билан танишмисиз? Ўрганиб чиқдингизми?

-Ха, икки йил олдин ўтган Осиё чемпионатида у ерда бўлганман. Ўшанда Кореядаги шароитни кўргандим. Демак, у ерда муҳит қандай бўлишини ҳис қилиб турибман. Баҳсларда бор имкониятимни ишга солиб, энг яхши натижамни қайд этмоқчиман. 



-Ўзбекистонда спортнинг ушбу тури билан шуғулланаётган ёшларимиз кўпми?

-Албатта. Бизда иқтидорли спортчилар кўп. Улар мусобақаларда яхши иштирок эта оладилар. Фақатгина, уларни қўллаб-қувватлаш керак. Агар эътибор кучаядиган бўлса, йигитларимиз яхши натижалар қайд эта оладилар. Бизда спортнинг ушбу тури билан шуғулланишни истовчилар кўпчиликни ташкил қилади. 


- Бизнинг спортчилар фойдаланаётган спорт инвентарлари жаҳон стандартларига мос келадими?

-Мусобақаларга тайёрланаётганда барча талабларга жавоб берадиган инвентарларни сотиб оламиз. Яхши мосламалар бўлмаса, сизни стартга қўйишмайди. Муаммо шундаки, бу қиммат спорт турларидан бири ҳисобланади. Бу борада менга отам ёрдам берганлар. 


-Комил, вақтингизни аямасдан суҳбатга розилик берганингиз учун ташаккур. 

-Эътибор учун, сизларга ҳам раҳмат. Насиб қилса, олдинда турган Олимпия ўйинларидан юртимизга ёруғ юз билан қайтиб келаман.


Азиз Тўхтамуродов суҳбатлашди


Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг