Украина бокс терма жамоаси Ливерпулдаги ЖЧга қўйилмаслиги мумкин

"Бугунги кун ҳолатига кўра, Украина терма жамоаси Ливерпулда бўладиган Жаҳон чемпионатида қатнашиш бўйича рухсатнома тасдиғини олгани йўқ. Бундан ташқари, Украина World Boxing ташкилотига қўшилмаганлиги учун ҳам бу амалга ошмаслик эҳтимоли юқори. 

Ҳозир украиналик боксчиларнинг мусобақада қатнашиши йўлида ҳаракатлар кетмоқда. 

Биз бу вазиятда йилнинг энг муҳим мусобақаларига астойдил тайёргарлик кўрган спортчилар азият чекишини мутлақо қабул қилиб бўлмайдиган ҳолат деб ҳисоблаймиз.

Афсуски, Украина бокс федерациясининг ҳозирги раҳбариятининг масъулиятсизлиги шундай вазиятга олиб келди: жамоа таркиби шакллантирилгани, виза ва чипталар очилгани ҳақида жамоатчиликка баёнотлар берилди, аммо жаҳон чемпионатига рухсат берилиши борасида ҳалигача тасдиқ йўқ.

Қуруқ ваъдалар билан иш битмайди. Мос раҳбарият йўқлиги туфайли украин спортчилари мамлакатни жаҳон аренасида намойиш этиш имкониятидан маҳрум бўлиб қолиш хавфи остида", — деди Котельник.